Politika e Privatësisë

1. Të dhënat që mbledhim

Kur krijon një llogari ose përdor aplikacionin, mund të mbledhim:

• Email-i — për të krijuar dhe siguruar llogarinë tënde.
• Emri i përdoruesit (username) — emri yt publik në aplikacion.
• Progresi i mësimit — XP, streak, mësimet e përfunduara, flashcards dhe arritjet.
• Të dhëna teknike — lloji i pajisjes dhe i shfletuesit, për qëllime statistikore.

Nuk mbledhim adresë apo numër telefoni. Të dhënat e kartës nuk kalojnë kurrë te ne: pagesat për Premium i kryejnë Apple (App Store) ose Paddle (në web), dhe ne marrim vetëm statusin e abonimit — cili plan, kur fillon dhe kur skadon.

2. Si i përdorim të dhënat

• Për të ruajtur progresin tënd dhe për ta sinkronizuar mes pajisjeve.
• Për të të dhënë qasje në llogarinë tënde dhe për ta mbajtur të sigurt.
• Për të përmirësuar mësimet dhe përvojën e përdoruesit.
• Për të kuptuar se si përdoret aplikacioni (statistika anonime).

Nuk i shesim dhe nuk ia japim me qira të dhënat e tua palëve të treta.

3. Hyrja me Google

Nëse zgjedh të hysh me Google, marrim vetëm email-in dhe emrin bazë të llogarisë tënde Google, për të krijuar llogarinë. Nuk kemi qasje në fjalëkalimin tënd të Google.

4. Ku ruhen të dhënat

Të dhënat ruhen në mënyrë të sigurt përmes ofruesve të mëposhtëm:

• Supabase — baza e të dhënave dhe autentikimi (llogaria + progresi).
• Vercel — hostimi i faqes.
• RevenueCat — verifikimi i abonimeve të blera në App Store, i lidhur me identifikuesin e llogarisë.
• Apple — pagesat dhe faturimi për blerjet në App Store.
• Paddle — pagesat, faturimi dhe TVSH-ja për blerjet në web; Paddle përpunon emrin, email-in, vendin dhe të dhënat e pagesës si Merchant of Record.
• OneSignal — njoftimet push, vetëm nëse i aktivizon; ruan një identifikues të pajisjes dhe të llogarisë.

Njoftimet push i dërgojmë vetëm pasi i lejon në pajisje. Mund t’i fikësh në çdo kohë nga Profili → Njoftimet ose nga cilësimet e telefonit.

Disa të dhëna ruhen edhe lokalisht në pajisjen tënde (localStorage) që aplikacioni të punojë edhe offline.

5. Statistikat (Analytics)

Përdorim Google Analytics dhe Vercel Analytics për të mbledhur statistika anonime mbi përdorimin (p.sh. numrin e vizitorëve dhe faqet e shikuara). Këto të dhëna nuk të identifikojnë personalisht.

6. Cookies dhe ruajtja lokale

Përdorim ruajtjen lokale të shfletuesit (localStorage) dhe cookies teknike për të mbajtur sesionin tënd të kyçur dhe për të ruajtur progresin. Nuk përdorim cookies reklamuese.

7. Të drejtat e tua

• Mund ta shohësh dhe ta përditësosh profilin tënd në çdo kohë.
• Mund ta fshish të gjithë progresin nga faqja e Profilit (“Zona e Rrezikshme”), pa fshirë llogarinë.
• Mund ta fshish plotësisht llogarinë dhe të gjitha të dhënat direkt nga aplikacioni: Profili → Zona e Rrezikshme → “Fshij llogarinë time”. Ky veprim është i menjëhershëm dhe i pakthyeshëm, dhe fshin email-in, username-in dhe të gjithë progresin tënd.
• Ose mund të kërkosh fshirjen duke na shkruar në email-in më poshtë.

8. Fëmijët

MesoDeutsch është menduar për përdorues 13 vjeç e lart. Nuk mbledhim me vetëdije të dhëna nga fëmijë nën këtë moshë. Nëse je prind dhe mendon se fëmija yt na ka dhënë të dhëna, na kontakto për t’i fshirë.

9. Ndryshimet në këtë politikë

Mund ta përditësojmë këtë politikë herë pas here. Çdo ndryshim do të publikohet në këtë faqe me një datë të re “Përditësuar së fundi”.

10. Kontakti

Për çdo pyetje ose kërkesë në lidhje me privatësinë (përfshirë fshirjen e të dhënave), na shkruaj në: deutschmeso@gmail.com.